Di vòlt … la vita ! - Poeta milanese Bico Contursi

Vai ai contenuti

Menu principale:

Di vòlt … la vita !

Poesie
 

On vegg a dass de fà

su la riva del mar

arent ona tosetta ...

paletta e sidellin,

el fa-sù ‘'n grand castell

con la sabbia bagnada.

"Nòno, nòno, nonnin!”

primm moinn, primm paròll

dii con vos incantada,

cont i brascitt traa al còll

mitragliaa de basitt,

e 'l vegg lì, cont amor …

la ganassa bagnada,

    (sarà fòrsi … sudor?).

Mì vardi speranzos,

pensi al mè nevodin

che fra on poo ‘l rivarà.

Gh'hoo de part la paletta,

la balla, el sidellin,

… per tornà fioeu con tì

e spettà i primm paròll

e sentì i tò brascitt

brasciaa-sù … al mè còll

con centmila basitt

e vedett vegnì grand.

Su la faccia 'na gotta

la scarliga de sfròs

per on gropp interior,

    e l'è minga ... sudor.

 
 
Torna ai contenuti | Torna al menu