La scighera a Milan - Poeta milanese Bico Contursi

Vai ai contenuti

Menu principale:

La scighera a Milan

Poesie
 

Sira d’'autunn a Milan …

per i strad bagnaa e luster

l'umid impatacca la pell,

la scighera la sconfond la vista,

la pana i veder di finester.



  Compagn d'ona bella dòna

vestida de vell,

che la fa vedè sì e nò

el sò còrp armonios,

  Milan, con la scighera,

el da spazzi a l'emozion …

e 'l colpiss el tò vess curios.



Meneman te vee vesin

  a on canton,

  on negòzzi,

  on lampion,

la vista la se s'ciariss,

el tolber el va in nient,

la realtà la ciappa forma.



  Ti t'el see cosa gh'è là

in fond a la via?

  Milan, con la scighera,

l’è fantasia, armonia …

l’è legria, malinconia …

l’è magia ... de la soa poesia.



  Compagn d'ona bèlla dòna

Milan ... l'è de amà.

 
 
Torna ai contenuti | Torna al menu