On Sorris - Poeta milanese Bico Contursi

Vai ai contenuti

Menu principale:

On Sorris

Poesie

Dedicata ai miei figli Mauro e Ilaria. - L'adozione di due bambini colombiani Brayan e Natalia ha riempito i cuori di gioia.

 



Dent la gabanna del preseppi,

      al pòst del Bambin

      hoo mettuu-là el ritratt de duu bagai,

      on fioeu e ‘na tosetta

      che ‘l ciel l’ha consegnaa,

      per bòna sòrt,

      a duu spos innamoraa.



"Papà !..."

senti ciamà el mè fioeu papà …”

e a mì … “Nòno, nòno!..."

(quell che se proeuva denter,

el se pò nò spiegà)

On grand sorris

sul faccin di bagai

che te corren incontra

viscor ‘me redesces,

te ciappen la man

e via ... invers la stanzetta.

"Guarda nòno!”

Subet derven cassett,

antinn di armadi,

tutt ciappaa in del mostrà

vestii , scarp, gipponitt.

(... ghe son staa attent)



      In quell sò slanz …

      mì vedi ‘na man che pian pian

      la scancella el passaa.



"Siete contenti!”

Te sorriden citto

e slisen via ... de corsa

a saltà ‘l còll al papà

e regalà basitt a la mama

col nas per aria

e i oeucc refignaa che parlen d’amor ...

on amor che ‘l contagia.



…Ona "còppia”

che adess l’è famiglia,

... on nòno e ona nòna in truscia

content de tornà fioeu.



    Dent la gabanna del preseppi

    duu fioeu che rinass

    a 'na vita normal

    con denanz ... sicur ...on  doman

    retajaa in del seren.

 
Torna ai contenuti | Torna al menu