Pagura de volà - Poeta milanese Bico Contursi

Vai ai contenuti

Menu principale:

Pagura de volà

Poesie

Un vecchio contadino brianzolo, non se la sente più di andare al Consorzio Agrario a Milano e ci manda il giovane figlio.


 


“Adess te tocca a tì fà ‘na volada

vers el Consòrzi Agrari giò a Milan.”

el  ghe dis al sò fioeu ‘n vegg paisan.

El giovin el rebatt con vos sbanfada:



“Mì son mai staa a Milan … sont indecis!

Ti t’el see … gh’hoo pagura a volà.”

“Ti te vee giò col treno! Dai, va là!”

Ma on balòss d’on amis sòtt vos ‘l ghe dis:



“Rivaa a Milan, a la Stazion, sta attent,

sta nò lì a tribulà, ciappa on tassì …

vun de qui color giald … damm a trà a mì,

perchè qui bianch, a volen verament.”



El giovin paisan, coo bass,  el s’invia.

El smonta a la Stazion de la Central

e ‘l se mett a lumà se sul piazzal

vun di quèi tassì giald el passa via.



De tassì giald ne passa pròppi nò

e dòpo squas on’ora lì a spettà,

el giovin el desist “Me tocca andà …

inutil pèrd del temp, spettà ancamò!”



El ciappa on tassì bianch, coi gamb de sass,

l’autista a ghe domanda: ”El va indoé?”

“In Ripamònti” “Che altezza, per piesè?”

“Oei, pòrco can, fa nò el bamba …bass, bass!”

 
 
 
 
Torna ai contenuti | Torna al menu