Portà fortuna - Poeta milanese Bico Contursi

Vai ai contenuti

Menu principale:

Portà fortuna

Poesie
 

L'è comparuu on cappell denter l'armoar

Sconduu lì  ‘n d'on canton pròppi in fond,

on berett saa e pever fodraa in ciar

cont in mezz on botton negher redond.



L’era ‘n regal d’on vegg, on dì che al mar,

l’evi  iuttaa a combatt el vent e i ond

col portà su la riva al sò ripar,

la barca che per lù vareva on mond.



“Tegnel! Te vedaree che ‘sto berrett

te portarà fortuna … cred a mì!”

Per nò fagh dispiasè, e per rispett,



l’hoo miss denter l’armoar e l’è anmò  lì.

Vegh el cavicc! ... L’è nò peccaa ‘l sperà!

Cert dà giusta valenza al dass de fà.

 
 
 
Torna ai contenuti | Torna al menu