Ròbb che succed a 'na cèrta età - Poeta milanese Bico Contursi

Vai ai contenuti

Menu principale:

Ròbb che succed a 'na cèrta età

Poesie
 


Stuff e noiaa de 'sta television,

finalment riva l'ora d'andà in lett.

La sposa con indòss el camison ...

lù, con fà de balòss, 'l par on gallett,



se mett a tampinalla 'me on marpion,

dò carezz, on basin, on quei dispett ...

ghe fà capì quai hinn i sò intenzion!

Lee, la cascia on’oggiada con sospett:



"Finissela ... desmett! ‘Se hinn 'sti eccess!

Va là! Lassom dormì che mì son stracca!

Ma damm a trà ... emm 'pèna finii adess!"



"Te diset per davera? Òrca vacca!

‘Dess che ghe pensi! Mah ... varda che stòria!

Quell che me frega ... a mì, l'è ... la memòria!"

 
 
 
Torna ai contenuti | Torna al menu