Sensazion - Poeta milanese Bico Contursi

Vai ai contenuti

Menu principale:

Sensazion

Poesie
 
 
 
 

Strada drizza, sterrada

'n mezz ai sces già fiorii

e mì a corr scalmanaa

tutt sudaa, masarent

a pontà quell ciaror

che lontan par ciamatt

A l'è chì 'l tò doman...!

E se monda in la ment

cent svolazz, cent penser

tra 'na muccia de gent

         … e me senti legger.



El ciaror el sbiaviss,

se serpenta la straa

tutt'i sces se srariss

el m' pass l'è imbastii,

I mè cruzzi 'me ongiad

me sgarbella la ment

hinn i mè insicurezz

ingarbiaa de pagur,

i mè mur de sbatt giò.

E ‘l ciaror el va in nient,

         … e mì corri ancamò.



 
 
Torna ai contenuti | Torna al menu