Tiriteri ai mè duu nevoditt (striaa del ballon ) - Poeta milanese Bico Contursi

Vai ai contenuti

Menu principale:

Tiriteri ai mè duu nevoditt (striaa del ballon )

Poesie
 


Mè nevod, fioeu colombian

gh’hann on nòno che pian pian

    ghè sbatt là ‘na tiritera

    ... de la bissa scudellera …

Lor me varda,  pensarann:      

"Ma se parla inscì a Milan?”

    Mì foo mostra de nagòtt:

    "Dess ve pòrti giò de sòtt

a giugà cont el ballon.”

Su la bocca on sorrison

    Subit: "Pirlo, Balottelli,

    Messi, Tevez e Prandelli”

Del ballon lor sann tusscòss

"Noi ci gusta".…... Che balòss!

    ‘Na pesciada, ‘m antipast,

    ballonada,  duu contrast,

seri stracch, fiadon in truscia

"Gioca nonno!" …... Fà i bauscia!

    Dòpo on'’ora de giugà

    seri vonc, tutt masaraa,

voo vesin ai duu giugador:

"Cuntom ‘dess ... per fà  i rigor …

    Cunti ... Pin pin cavallin

    sòtta el pè del tavolin,

pan pòss, pan fresch indovina

chi ... l'è … quest.  Tì,  piscinina”

    La Natalia  la se mett

    col sinister malarbett,

la me ciappa pròppi lì …

mì foo mostra de patì.

    "Chiedi scusa al tuo nonnino”

    El dis Brayan "Poverino!”

Mì bell quiett "Trenta, quaranta,

e la pégora la canta! …”

    Poeu me levi-sù sgalis,

    lor me brascia col sorris …

Tiriteri in milanes,

filastròcch senza pretes,

    l’important che pian pianin

    quista 'l coeur di meneghin.

 
 
Torna ai contenuti | Torna al menu